Bu mövzuda yazılan ən yaxşı bloq yazıları Aquavita şirkəti tərəfindən mükafatlandırılacaq. Münsiflər heyyəti Bloqosfer forumunun təşkilatçıları və Aquavita şirkətinin əməkdaşlarından ibarətdir.

Bloqçular üslubda (yazı, video, foto və s.) sərbəstdir, materiallar Azərbaycan və ya rus dillərinə ola bilər.
Yazılar aşağdaki şərtlərə cavab verməlidir:

1. Bloq yazıları TAC MMC şirkətinin məhsullarından biri və ya bir neçəsi (Aquavita, Gülüstan, Gcola, Şahdağ və s.) barəsində olmalıdı.
2. Yazı bloqçunun öz bloqunda yerləşdirilməlidir.
3. Aquavita-nın rəsmi Facebook səhifəsində keçid olaraq yerləşdirilməlidir.

Münsiflərin xoşuna gəlmək üçün tərfləməyiniz vacib deyil Əsas sizin maraqlı rəyinizdir. Ehtiyac olduqda digər suların da adını çəkmək olar. Yazılarınızda Aquavitanın facebook səhifəsinə keçid qoymağı da unutmayın.

Qalib gəlmiş bloq yazıları aşağdaki qaydada mükafatlandırılacaq:

1-ci yer: Samsunq Galaxy Tab
2-ci yer: Mobil Telefon
3-cü yer: MP3 Pleyer

Yer qazanmış iştrakçılara Aquavitanın simvolikası ilə xüsusi hədiyələr də veriləcək.

Yazılar 2011-ci il Sentyabrın ayının 6-sından 20-nə dək qəbul olunur. Materiallarınızı bu postun altında da paylaşa bilərsiniz.

Təbii ki, Bloq günün qeyd olunmasının özünə məxsus xüsusiyyətləri və ənənələri var.

Gəlin bu ənənələrlə tanış olaq:

1. Hər bloqçu 5 yeni və maraqlı gələn bloq tapmalı;

2.  Tapdıqları bloqlar haqqında kiçik bir yazı yazıb onlara keçid verməli;

3. Yazını mütləq elə məhz 31 avqustda post  edilməli

4. Yazıda mütləq  BlogDay2011 teqini əlavə  olunmalı və bayramın rəsmi www.blogday.org saytına keçid verməli;

Beləliklə həmin ənənəyə sadiq qalaraq biz də Sizə 5 maraqlı bloqu təqdim edirik:

İlk olaraq nagillardanrealliga.wordpress.com bloqundan yazmaq  istəyirəm. Düzünü desəm bu bloqun haqqında eşitmişdim, ancaq oxumağa şans olmamışdı. Həqiqətəndə bu bloq mənə maraqlı gəldi.

Axtarış zamanı qızlar üçün maraqlı olacağını düşündüyüm bir bloq da tapdım. Həmişə xarici bloqçuların dəblə bağlı bloqlarına rast gəlirdim. Bizlərdən də kiminsə belə bloq yazması çox xoşuma gəldi. jalehfashion.livejournal.com 

Son zamanlar avtomobil almaq eşqinə düşdüyüm üçün avtobloq.info bloqu da mənə maraqlı gəldi. Ancaq çox istəyərdim ki, bu bloqda həm də ikinci əl avtomobili düzgün tanımaq üçün də müəyyən məsləhətlər olsun. Yəqin müəllif nəzərə alar.

parvanas.wordpress.com – bilmirəm, bu bloq barədə eşitmisiz ya yox. Bloqda yazılan mövzular məni o qədər cəlb elədi, bir neçə postunu dayanmadan oxudum.

Qarşıma çox gözəl bir bioloji bloq da çıxdı. biowaterfowl.wordpress.com  təbiət üzərində ixtisaslaşmış bloqdur və məncə çox maraqlıdır.

Düzünü desəm qarşıma çıxan bloqların bir çoxlarının davamlılıqlarının olmaması çox gec-gec yenilənməsi məni çox məyus etdi.

Ümid edirəm ki, 2-4 sentyabrda baş tutacaq Bloqosfer 2011-dən sonra daha maraqlı və inkişaf etmiş bloqlarla rastlaşacağıq.

p.s. Əgər Siz də bu günə aid bloq yazmısınızsa linklərinizi şərhlərdə bölüşə bilərsiniz.

Münsiflər heyətin rəyi əsasında təşkilat komitəsi hər bir qeydiyyatdan keçmiş şəxsə məktubla cavab ünvanlayıb.

Əgər Sizin Bloqosferə müraciət etməyinizə baxmayaraq gün ərzində heç bir cavab almamısınızsa xahiş edirik ki, forum@bloqosfer.com ünvanına bu haqda yazın. Araşdırıb Sizə mütləq cavab yazacağıq.

Cavab alanlardan isə xahiş edirik ki, məktublarını diqqətlə oxusunlar. Həmin məktublarda forumda iştirak üçün bütün qaydalar mövcuddur.

Təbii ki, bütün seçimli tədbirlərdə olduğu kimi, Bloqosfer 2011 forumunda da qeydiyyatdan keçənlər  arasında iştiraka haqq qazanmayanlar da oldu. Onlar heç məyus olmasınlar. Ümid edirik ki, növbəti Bloqosferdə onlar İnternet və sosial mediaya dair bilikləri ilə forumun ən ön sıralarında olacaqlar.

Onu da qeyd edim ki, Bloqosfer 2011 forumu bu il də Nabran qəsəbəsində yerləşən Atlant İstirahət Mərkəzində baş tutacaq.

Bu gün, Amerika – Azərbaycan Təhsil Mərkəzinin konfrans zalında Bloqosfer 2011 – Bloqçuların və Yeni Media mütəxəssilərinin II forumuna hazırlıq işləri ilə bağlı press konfrans keçirildi.

Tədbiri Bloqosfer layihəsinin təşkilat komitəsinin sədri Azər Nəzərov açıq elan etdi. Onun sözlərinə görə 2-4 Sentyabrda Nabranda Bloqosfer 2011 forumunda 150-yə yaxın  iştirakçı arasında bloqçularla yanaşı müxtəlif Dövlət, biznes, Beynəlxalq təşkilat, QHT nümayəndələri də olacaq.

Təşkilat komitəsinin üzvü İlqar Mirzə bildirdi ki, “forumun əsas məqsədi bloqçuları, yeni media mütəxəssislərini, İnternetə aidiyyatı olan müxtəlif qurumları və ümumilikdə İnternet ictimaiyyətini bir araya toplayaraq bloqçuluğun və sosial medianın inkişafı istiqamətində təkliflər hazırlamaqdır”.

Press konfransda qeyd olundu ki,  Bloqosfer 2011 – Bloqçular və Yeni Media mütəxəssislərinin II Forumunda ilk öncə ötən il müzakirə olunan mövzulara aid olan dövlət və digər qurumların illik fəaliyyətləri haqqında təqdimatları olacaq. Təqdimatlardan sonra müzakirə mövzuları təyin olunacaq və işçi qruplarda yeni təkliflər hazırlayacaq.

Bu il də keçən il olduğu kimi, Bloqosfer 2011 forumun tanıdılması üçün xüsusi promo videolar çəkilir. Press konfrans zamanı bu videolardan ikincisi də ilk olaraq media nümayəndələrinə  təqdim olundu.

Bloqosfer 2011 forumunu İnformasiya Texnologoyaları, İnternet və Media Təşkilatı, Barcamp Azərbaycan, Azərbaycan İnternet Forumunun təşkilaçılığı və ABŞ-ın ölkəmizdəki səfirliyinin maliyyə dəstəyi ilə həyata keçirildiyi də bildirildi.

Press-relizi bu linkdən yükləyə bilərsiniz

 

“İnternetin gələcəyi” adlanan bu videonun ssenarisi komandamıza aiddir, çəkiliş və montaj işləri “Visual Factory” studiyasının əməkdaşları tərəfindən aparılmışdır.

Videoda aşağıdakı şəxslər iştirak ediblər:

• Operator: Elvin Aşirov;
• Operator köməkçisi: Murad Nağıyev;
• Quruluş: İlqar Mirzə;
• Rollarda:
• Yazıb-pozanlar:  Ayuk Utopik və (adını bilmədiyimiz qız);
• Çəkib-kəsənlər: Rufət, Aysel;
• Fotoqraf: Ako;
• Qanun yaradanlar: Vahid Qasımov;
• Müəllimə: Ayşən;
• Şagirdlər: Kamilla, Əli;
• Həkim: Mələk Abdinova;
• Mühəndislər: Alim, Amid Quliyev;
• Jurnalist: Aynur Zərrintac;
• Operator: Knyaz Yaqublu;
• Biznesmen:  Orxan;
• Tələbələr: Nərgiz, Sadiq, Fərhad, Gümüş;
• Final səhnədəki uşaqlar: Həqiqət, Heybət;
• Azər Nəzərov rolunda isə Azər Nəzərov.

Qeyd edək ki, videoda Martin Solveig – Hello mahnısından istifadə edilmişdir.

Promo videonu saytımızın başlığından və ya youtube kanalına keçərək izləyə bilərsiniz. Ümid edirik ki, bəyənib paylaşacaqsınız.

Çəkiliş zamanı yaranan maraqlı məqamlardan ibarət fotolara Flikr və yaFacebook səhifəmizdən baxa bilərsiniz.

Tezliklə növbəti promo videoların çəkilişi baş tutacaq. Əgər sizin də maraqlı ideyalarınız varsa və ya gələcək çəkilişlərdə iştirak etmək istəyirsinizsə, bizə bildirin.

Bizə dəstək olan və iştirak edən hər bir kəsə təşəkkürümüzü bildiririk.

Banneri yerləşdirdiyiniz zaman texniki problemlər çıxarsa, şərhlərdə bildirin və biz sizə əlimizdən gələn köməyi edəcəyik.

Əgər siz də, Bloqosfer 2011 üçün banner düzəltmək istəyirsinizsə və bunun üçün sizə müəyyən materiallar lazımdırsa, bu haqda bizə forum(ət)bloqosfer.com ünvanına yazın və biz sizə böyük məmnuniyyətlə lazım olan materialları göndərərcəyik. Ən maraqlı bannerləri isə saytımızın bannerlər bölməsində yerləşdirəcəyik.

Bloqosfer 2011 bannerlərini öz saytlarında və bloqda yerləşdirən hər bir şəxsə öz təşəkkürümüzü bildiririk.

p.s. Banerlərin dizaynına görə Knyaz Yaqublu və Sadiq Muradova təşəkkürümüzü bildiririk.

Bloqosfer 2011 – Bloqçular və Yeni Media mütəxəssislərinin II Forumunda ilk öncə son bir ilə nəzər yetirəcəyik. Ötən il müzakirə olunan mövzulara aid olan dövlət və digər qurumlardan xahiş edəcəyik ki, ötən ilki fəaliyyətləri ilə bloqçuları tanış etsinlər. Sonra isə yaxın gələcək üçün fəaliyyət planı üzərində işləyəcəyik. Bunlar haqda “Hesabatlar və təqdimatlar” bölməsində tanış ola bilərsiniz. 150-dən çox iştirakçı arasında bloqçularla yanaşı müxtəlif Dövlət, biznes, Beynəlxalq təşkilat, QHT nümayəndələri də olacaqlar.

Tədbir üçün təklif və ideyalarınız varsa, bizimlə əlaqə saxlayın – məqsədəuyğun bütün fikirlərinizi nəzərə almağa çalışacağıq.

Bloqosfer 2011-in yeri və vaxtı çox qısa bir zamanda elan olunacaq və tədbirdə iştirak üçün qeydiyyat açılacaq. Bizi izləyin və sonra deməyin ki, mən Bloqosferdən kənarda qaldım.  :)